Ўзбекистон ва Ahmad Al Obaykan гуруҳи туризм соҳасидаги лойиҳаларни муҳокама қилмоқда

Тошкент, Ўзбекистон (UzDaily.uz) — Жорий йилнинг 26 июнь куни Ўзбекистон Республикаси Инвестициялар, саноат ва савдо вазири ўринбосари Шоҳруҳ Гуламов Ahmed Al Obaikan Group раиси Аҳмад Нассер Ал-Обайкан билан учрашди.

Музокаралар чоғида туризм соҳаси бўйича қўшма лойиҳаларни амалга ошириш имкониятларига алоҳида эътибор қаратилди.

Томонлар лойиҳаларни янада ривожлантиришга ўзаро қизиқиш билдирдилар ҳамда муҳокама қилинган ҳамкорлик йўналишлари бўйича маслаҳатлашувлар ўтказиш ва амалий чораларни кўриш доирасида фаол ҳамкорлик механизмини ишлаб чиқдилар.