Тошкент, Ўзбекистон (UzDaily.uz) — Ўзбекистон вакили Камила Раҳимова Пекинда ўтказилаётган WTA 1000 тоифасидаги China Open турнирининг учинчи босқичига йўл олди.
Иккинчи босқичда ўзбекистонлик теннисчи уч сетда дунёнинг 26-рақами, канадалик Лейла Фернандесни мағлуб этди. Учрашув Раҳимованинг 6:2, 4:6, 6:3 ҳисобидаги ғалабаси билан якунланди.
Фернандес фаолияти давомида жаҳон рейтингида 13-ўринга кўтарилган. Катта шлем турнирларида канадалик теннисчининг энг юқори натижаси 2021 йилда US Open мусобақасининг финалига чиқиш бўлган.
China Open турнирининг учинчи босқичига чиқиш Раҳимовага 65 рейтинг очкосини тақдим этди. Бундан ташқари, теннисчи 61 865 АҚШ доллари миқдоридаги мукофот пулини кафолатлади.
Турнирнинг кейинги босқичида Камила Раҳимова мусобақа тўрида янада юқорилаш учун курашни давом эттиради.
