Тошкент, Ўзбекистон (UzDaily.uz) — Ўзбекистонлик дзюдочи Диёра Келдиёрова Загреб шаҳрида ўтказилаётган Гран-при туркумидаги мусобақада 52 кг гача бўлган вазн тоифасида бронза медалини қўлга киритди. Бу ҳақда тақдим этилган хабарда маълум қилинган.
Париж-2024 Олимпиадаси чемпиони бугун бошланган мусобақада ярим финалга қадар етиб борди. Бироқ у Венгрия вакилига мағлуб бўлиб, финалга йўлланма ола олмади.
Учинчи ўрин учун кечган беллашувда Келдиёрова Франция вакиласини мағлуб этиб, мусобақанинг бронза медали совриндорига айланди.
