Андижон ва Хитой CАМCЕ инфратузилма лойиҳаларини муҳокама қилишди

Тошкент, Ўзбекистон (UzDaily.uz) — V Тошкент халқаро инвестиция форуми доирасида Андижон вилояти делегатсияси минтақавий иқтисодиёт ва инфратузилмани ривожлантиришга қаратилган хорижий инвесторлар билан бир қатор учрашувлар ўтказди.

Вилоят ҳокими Шуҳратбек Абдураҳмонов бошчилигида Чина CАМCЕ Интернатионал раҳбарияти билан учрашув бўлиб ўтди, унда истиқболли коммунал инфратузилма лойиҳалари муҳокама қилинди.

Учрашувда Андижон вилояти шаҳарлари ҳамда аҳоли зич жойлашган туманларида замонавий канализация ва ичимлик суви тармоқларини барпо этишга қаратилган истиқболли лойиҳалар атрофлича муҳокама қилинди.

Томонлар вилоятда амалга оширилаётган чиқиндиларни қайта ишлаш лойиҳасини жадаллаштириш, аҳолининг тоза ичимлик суви ва муҳандислик-коммуникация хизматларига бўлган эҳтиёжини чуқур ўрганиш ҳамда мазкур йўналишларда аниқ амалий ишларга киришиш бўйича келишувга эришдилар.

Форум доирасида ўтказилаётган бундай учрашувлар Андижон вилоятида замонавий инфратузилмани шакллантириш, аҳоли турмуш сифатини янада яхшилаш ва янги инвестиция лойиҳаларини ҳаётга татбиқ этишда муҳим қадам бўлиб хизмат қилиши кутилмоқда.