Ўзбекистонда цемент ишлаб чиқариш 10,1 млн тоннага етди
Тошкент, Ўзбекистон (UzDaily.uz) — Ўзбекистоннинг йирик корхоналари 2026 йилнинг январь–июнь ойларида 10,1 миллион тонна цемент ишлаб чиқарди. Бу ҳақда Миллий статистика қўмитаси хабар қилди.
2025 йилнинг шу даврига нисбатан цемент ишлаб чиқариш ҳажми қарийб 0,2 миллион тоннага ошган.
Цемент ишлаб чиқариш ҳажмининг ўсиши иккинчи йил кетма-кет давом этмоқда. Хусусан, 2024 йилнинг январь–июнь ойларида корхоналар 7,7 миллион тонна цемент ишлаб чиқарган бўлса, 2025 йилда бу кўрсаткич 9,9 миллион тоннага етган, 2026 йилда эса 10,1 миллион тоннани ташкил қилди.
