Toşkent, Özbekiston (UzDaily.uz) — Özbekistonda amaldagi tabiatni muhofaza qilişga oid qonunçilikni yagona huquqiy tizimga birlaştiriş, atrof-muhitni muhofaza qiliş mexanizmlarini takomillaştiriş va tabiiy resurslardan oqilona foydalaniş uçun şaroit yaratişni nazarda tutuvçi yangi Ekologiya kodeksi loyihasi ustida iş davom etmoqda.
Hujjat muhokamasi Milliy ekologiya va iqlim özgarişi qömitasi hamda BMT Taraqqiyot dasturi (BMTTD) tomonidan taşkil etilgan seminarda bölib ötdi. Bu haqda Milliy ekologiya va iqlim özgarişi qömitasi xabar berdi.
Tadbirda Ekologiya qömitasi raisining örinbosari Iskandar Qutbiddinov, BMTTDning Özbekistondagi doimiy vakili Akiko Fudzii, Oliy Majlis Qonunçilik palatasi deputatlari, şuningdek, Jahon banki, Yevropa tiklaniş va taraqqiyot banki, Xalqaro tabiatni muhofaza qiliş ittifoqi, Germaniya xalqaro hamkorlik jamiyati (GIZ), Global yaşil ösiş instituti, davlat idoralari va xalqaro taşkilotlar vakillari iştirok etdi.
Seminarda sözga çiqqan Qutbiddinov Kodeksni tayyorlaşda xalqaro tajriba va ekspertlar tavsiyalarini inobatga oliş zarurligini ta’kidladi. Fudzii esa iqtisodiy taraqqiyot va atrof-muhitni muhofaza qiliş bir-biri bilan çambarças boğliq ekanini qayd etdi.
Loyihada amaldagi ekologik qonunçilikni tizimlaştiriş, atrof-muhitni muhofaza qiliş mexanizmlarini takomillaştiriş va tabiiy resurslardan oqilona foydalanişni ta’minlaş nazarda tutilgan. Hujjat, şuningdek, Özbekistonning xalqaro ekologik majburiyatlarini bajarişi va barqaror rivojlaniş maqsadlariga erişişi uçun huquqiy asos bölib xizmat qilişi kerak.
Seminar iştirokçilari biologik xilma-xillikni saqlaş, tabiiy ekotizimlarga salbiy ta’sirni kamaytiriş, ekologik zararni qoplaş va tabiiy hududlarni tiklaş böyiça xalqaro amaliyotlarni körib çiqdi.
Xalqaro taşkilotlar vakillari hujjatni takomillaştiriş yuzasidan öz taklif va tavsiyalarini taqdim etdi.
Xabarda ta’kidlanişiça, BMTTD tomonidan avval taklif etilgan tavsiyalarning deyarli barçasi Kodeks loyihasida allaqaçon inobatga olingan. Keyingi bosqiçda hujjat seminar iştirokçilari bildirgan fikr-mulohaza va takliflar asosida qayta işlanadi.
Yangi Ekologiya kodeksining qabul qilinişi Özbekistonda ekologik boşqaruv tizimini zamonaviy talablar asosida takomillaştiriş, tabiiy boyliklarni asraşning huquqiy mexanizmlarini mustahkamlaş va kelajak avlodlar uçun atrof-muhitni muhofaza qiliş imkonini berişi kutilmoqda.
