Toşkent, Özbekiston (UzDaily.uz) — Yaponiyaning Belluna Co., Ltd. kompaniyasi Toşkent viloyatida, jumladan, Çorvoq suv ombori turistik hududida tört yulduzli mehmonxonalar quriş imkoniyatlarini körib çiqmoqda. Bu haqda Toşkent viloyati hokimligi matbuot xizmati xabar berdi.
Hamkorlik istiqbollari Toşkent viloyati hokimi Zoyir Mirzayev va Belluna Co., Ltd. prezidenti Kiyosi Yasuno örtasida Özbekistonning Yaponiyadagi elçixonasida bölib ötgan uçraşuvda muhokama qilindi.
Tomonlar mintaqa turistik infratuzilmasiga Yaponiya investitsiyalarini jalb qiliş, mehmonxona biznesini rivojlantiriş, mahalliy mahsulotlarni Yaponiya bozoriga eksport qiliş hamda töqimaçilik sohasida hamkorlik qiliş masalalarini körib çiqdilar.
Mehmonxona loyihalarini amalga oşiriş uçun ehtimoliy maydonlar sifatida Böstonliq tumanidagi Çorvoq suv ombori dam oliş maskani hududi va poytaxt yaqinidagi boşqa hududlar muhokama qilindi.
Özbekiston tomoni investorga yer uçastkalarini ajratiş, muhandislik-kommunikatsiya tarmoqlariga ulaniş va investitsiyaviy imtiyozlardan foydalaniş imkoniyatlarini körib çiqişni taklif etdi.
Şuningdek, mehmonxona xodimlarini Yaponiya xizmat körsatiş standartlari asosida tayyorlaş masalasi ham muhokama qilindi.
Mahalliy işlab çiqaruvçilar mahsulotlarini Yaponiyada ilgari surişga alohida e’tibor qaratildi. Belluna kataloglari va onlayn platformalari orqali Toşkent viloyatida işlab çiqarilgan paxtadan tayyorlangan kiyim-keçaklar, uy töqimaçiligi mahsulotlari, quritilgan mevalar, yonğoqlar va tabiiy kosmetikani taqdim etiş taklif qilindi.
Uşbu işlarni boşlaş uçun 10–15 nafar mahalliy eksportyorni tanlab oliş, ularning mahsulotlari namunalarini tayyorlaş hamda tovarlarni sifat va markirovkaga oid Yaponiya bozori talablariga moslaştiriş rejalaştirilmoqda.
Töqimaçilik sohasida tomonlar viloyat korxonalarida Belluna brendi ostida kiyim-keçak tikişga buyurtmalar joylaştiriş imkoniyatini ham muhokama qildilar.
Dastlabki bosqiç sifatida yapon mutaxassislari nazorati ostida bir-ikkita modeldan iborat sinov partiyasini işlab çiqariş taklif etildi. Uşbu jarayonni 2027 yilning ikkinçi çoragida yölga qöyiş imkoniyati körib çiqilmoqda.
Hokimlik ma’lumotlariga köra, Belluna kompaniyasi 1968 yilda taşkil etilgan bölib, savdo, xizmat körsatiş, köçmas mulk va mehmonxona biznesi sohalarida faoliyat yuritadi.
