Toşkent, Özbekiston (UzDaily.uz) — Özbekiston Vazirlar Mahkamasi Toşkent şahrining Sergeli tumanida Çirçiq daryosi böylab joylaşgan 100 gektar maydonda investitsiya loyihasini amalga oşiriş töğrisidagi qarorni tasdiqladi.
Hujjatda ekologik talablarga rioya qilgan holda işlab çiqariş, turizm va rekreatsiya infratuzilmasini rivojlantiriş nazarda tutilgan. Loyiha jamoatçilik muhokamasiga qöyilgan.
Hudud “Faroğatli” va “Quruvçilar” mahallalarini qamrab oladi. Hozirda bu yerda asosan sanoat zonalari joylaşgan.
Maydon Çirçiq daryosiga bevosita yaqin hududda joylaşgani sababli barça işlar suvni muhofaza qiliş zonasi talablariga muvofiq amalga oşirilişi lozim.
Hujjatga köra, Toşkent şahrining boş rejasida şaharning uşbu qismi konservatsiya zonasi maqomini saqlab qoladi. Şu bilan birga, mavjud yaşil hududlarga zarar yetkazmagan holda maydonni obodonlaştirişga istisno tariqasida ruxsat beriladi.
Xususan, sayr yölaklari, favvoralar, interaktiv hududlar, bolalar maydonçalari va vorkaut bilan şuğullaniş uçun maxsus maydonlar taşkil etiş rejalaştirilgan.
Investorlar, şuningdek, qirğoq çiziğini mustahkamlaşi, sohilböyi hududini sanitariya jihatidan tozalaşi va yaşil maydonlar hajmini oşirişi kerak böladi.
Loyihaning iqtisodiy qismi yuqori qöşilgan qiymatga ega işlab çiqariş korxonalarini taşkil etiş, turizm, mehmondöstlik industriyasi, rekreatsiya va xizmat körsatiş sohalarini rivojlantiriş uçun mahalliy va xorijiy investitsiyalarni jalb qilişni nazarda tutadi.
Loyiha natijasida mahalliy aholi uçun yangi iş örinlari yaratilişi kutilmoqda. Yoşlar va xotin-qizlarni iş bilan ta’minlaşga alohida e’tibor qaratiladi.
Toşkent şahar hokimligi Investitsiyalar, sanoat va savdo vazirligi bilan birgalikda yer uçastkalarining huquqiy maqomi va kadastr ma’lumotlarini örganişi, moliyalaştiriş hajmlari, amalga oşiriş jadvali hamda loyihaning asosiy samaradorlik körsatkiçlarini belgilaşi lozim. Tegişli idoralar kelgusida barpo etiladigan obyektlarni yöl tarmoği, elektr energiyasi, gaz va suv ta’minotiga ulaş masalalarini ham işlab çiqişi kerak.
Investorlarning ijtimoiy va infratuzilma böyiça majburiyatlari investitsiya bitimlarida mustahkamlanadi. Hukumat loyihani amalga oşiriş va ekologik talablarga rioya etilişi ustidan şaxsiy nazorat örnatdi.
Şuningdek, loyiha hududidagi turar joy va noturar obyektlarning huquq egalari bilan oçiq muhokama ötkaziş ham nazarda tutilgan.
Taşabbusni keyingi bosqiçlarda işlab çiqiş jarayonida mahalliy aholi manfaatlari, mavjud ijtimoiy infratuzilma va tumanning transport imkoniyatlari ham hisobga olinişi kerak.
