Toshkent, O‘zbekiston (UzDaily.uz) — Ichki ishlar vazirining buyrug‘i bilan polkovnik Sanjar Buranovich Djabarov Andijon viloyati Ichki ishlar boshqarmasi boshlig‘i lavozimiga tayinlandi, deya xabar bermoqda vazirlik matbuot xizmati.

Sanjar Djabarov 2022 yilning oktyabridan buyon Sirdaryo viloyati IIB boshlig‘i bo‘lib ishlab kelayotgandi. Ungacha Namangan viloyati IIB boshlig‘ining birinchi o‘rinbosari lavozimida faoliyat yuritgan.

Eslatib o‘tamiz, Andijon IIBning avvalgi rahbari Ayubxon Rahmatullayev ichki ishlar vazirining birinchi o‘rinbosari etib tayinlangandi.