logo
ЎЗ
РУ EN ЎЗ
  • Ўзбекистон
  • Иқтисод
  • Молия
  • Технологиялар
  • Биржалар
  • Маданият
  • Спорт
  • Туризм
ЎЗ
РУ EN ЎЗ

Ўзбекистонда инклюзив рақамлаштириш ва бизнес жараёнларни аутсорсинг қилиш (BPO)” мавзусида халқаро давра суҳбати бўлиб ўтди

Ўзбекистонда инклюзив рақамлаштириш ва бизнес жараёнларни аутсорсинг қилиш (BPO)” мавзусида халқаро давра суҳбати бўлиб ўтди

06/04/2022 12:11

Бугун 6 апрель куни Ўзбекистон Республикаси Ахборот технологиялари ва коммуникацияларни ривожлантириш вазирлиги, БМТ Тараққиёт дастури, Жаҳон Банки билан ҳамкорликда “Ўзбекистонда инклюзив рақамлаштириш ва бизнес жараёнларни аутсорсинг қилиш (BPO)” мавзусида халқаро давра суҳбати бўлиб ўтди.

Давлат хизматларини барчага тезкор, самарали ва адолатли кўрсатиш учун электрон ҳукуматни ривожлантиришни қўллаб-қувватлаш, жамоатчилик ишончи ва шаффофлигини мустаҳкамлаш, рақамли иқтисодиётни ривожланиш жараёнида иштирок этиш ва ҳамкорлик қилиш муҳим аҳамиятга эга. Ахборот-коммуникация технологиялари доимо ривожланиб, жамият, маданият ва иқтисодиётни тубдан ўзгартирмоқда. 

Дунё рақамли экотизимда технологиянинг жадал ривожланишига гувоҳ бўлмоқда, бунга ижтимоий тармоқлар, блокчейн, сунъий интеллект, бизнес жараёнлари аутсорсинги (BPO) ва билим жараёнлари аутсорсинги (KPO) мисол бўла олади.

Рақамли ривожланишнинг Ўзбекистон иқтисодий ўсиши учун муҳим аҳамиятини эътироф этган ҳолда, Ҳукумат рақамли трансформацияни ўзининг биринчи стратегик кун тартибига қўймоқда: “Рақамли Ўзбекистон – 2030” стратегиясини қабул қилиш ва 2022–2026-йилларда Янги Ўзбекистонни ривожлантириш стратегиясида рақамлаштиришга эътибор қаратиш – шулар жумласидандир.

Шу нуқтаи назардан, Ўзбекистон ҳукумати рақамли кўникмаларни мустаҳкамлаш ҳамда Ўзбекистонда рақамли иш ўринларини яратиш, шу жумладан, ёшларнинг салоҳиятини ошириш учун IТ ва бизнес жараёнлари аутсорсинги (BPO) ҳамда билим жараёнлари аутсорсинги (KPO) хизматларини кенгайтириш бўйича ўзининг изчил ишларини олиб бормоқда. Ўзбекистон ҳукумати IТ-аутсорсинг салоҳиятини ёрқин намоён этган ҳолда, аҳоли, айниқса, ёшларнинг рақамли кўникмаларини ошириш учун барча вилоят ва туманларда BPO’га ихтисослаштирилган таълим муассасаларини ташкил этиб, ушбу имкониятларни кенгайтирмоқда.

Тадбирда мамлакатимиз мутахассислари ва халқаро экспертлар иштирок этиб, рақамли ривожланишнинг бугунги ҳолати ва истиқболлари, баҳолаш усуллари ҳамда Ўзбекистонни рақамли ривожлантириш бўйича келгусидаги вазифалар ҳақида сўз юритдилар.

Тадбир давомида Ўзбекистонда BPO хизматларини ривожлантириш бўйича кўрилаётган чора-тадбирлар, жумладан, бу жараёнларга ёшларни кенг жалб этиш, аутсорсингга ихтисослашган компаниялар тажрибаси ҳақида маълумотлар берилди.

 

Охирги янгиликлар

Ўзбекистон бош гастроэнтерологи: «Бутун дунёда ошқозон саратони барча онкологик касалликлар орасида олтинчи, мамлакатимизда иккинчи ўринда туради»

29/05/2023Батафсил

Ўзбекистон Президенти Туркия етакчисини Президент сайловидаги ишончли ғалабаси билан табриклади

28/05/2023Батафсил

Президент истироҳат боғидаги шароитларни кўздан кечирди

28/05/2023Батафсил

МБ валюта курслари 23/05/2023

$ 1 11450.03 -0.245%
€ 1 12387.79 -0.088%
₽ 1 143.41 -0.306%
Бошка валюталар »
  • Рио-2016
  • Сайлов-2016
logo
  • Гувоҳнома: №0601
  • Берилган санаси: 28.10.2009 йил
  • Муассис: DAILY MEDIA ХК
  • Сайт раҳбари: Умаров Анвар Абрарджанович
  • Таҳририят манзили: 100180, Тошкент шаҳри, Юнусабад 12-27-73
  • Электрон манзил: info@uzdaily.com

Биз хакимизда

  • About Us
  • Condition of Use
  • Privacy Policy
  • Gadgets
  • Advertisement

Социал тармоқлар

  • Facebook

  • Twitter

  • Google+

  • Telegram

© 2007-2022 UzDaily.uz. Ҳамма ҳуқуқлар ҳимояланган. UzDaily.uz интернет-нашри ОАВ сифатида 0601 рақами билан 28.10.2009 й. давлат рўйхатидан ўтган. Ҳамма хизматлар лицензияларга, маҳсулотлар эса сертификатларга эга.

18+