O‘zbekiston va Qirg‘iziston farmatsevtika sohasida hamkorlikni muhokama qildi

Toshkent, O’zbekiston (UzDaily.uz) — O‘zbekiston va Qirg‘iziston farmatsevtika sohasida hamkorlikni kengaytirish istiqbollarini, jumladan, O‘zbekiston farmatsevtika mahsulotlarini Qirg‘iziston bozoriga yetkazib berish masalalarini muhokama qildi.

Uchrashuv O‘zbekiston Sog‘liqni saqlash va farmatsevtika sohasini rivojlantirish agentligi direktori Abdulla Azizov hamda Qirg‘iziston Sog‘liqni saqlash vazirligi huzuridagi “Kirgizfarmatsiya” davlat korxonasi direktori Aqilbek Turatbek uulu boshchiligidagi delegatsiya o‘rtasida bo‘lib o‘tdi. Bu haqda Sog‘liqni saqlash va farmatsevtika sohasini rivojlantirish agentligi xabar berdi.

Muzokaralar davomida ikki mamlakat vakillari o‘z tashkilotlari faoliyatining asosiy yo‘nalishlarini taqdim etdi hamda farmatsevtika sohasidagi hamkorlikni yana-da rivojlantirish imkoniyatlari yuzasidan fikr almashdi.

Tomonlar O‘zbekiston farmatsevtika ishlab chiqaruvchilari bilan hamkorlikni kengaytirish masalasiga alohida eʼtibor qaratdi.

Mahalliy farmatsevtika mahsulotlarini Qirg‘iziston bozoriga yetkazib berish hajmini oshirish istiqbollari muhokama qilindi.

Uchrashuv ishtirokchilari, shuningdek, ikki mamlakat farmatsevtika sohalari vakillari o‘rtasidagi ishchi aloqalarni yana-da rivojlantirish masalasini ko‘rib chiqdi.

Muzokaralar yakunlari bo‘yicha tomonlar o‘zaro manfaatli hamkorlikni davom ettirish, ishchi muloqotni mustahkamlash va amaliy aloqalarni rivojlantirishga tayyor ekanini bildirdi.

Uchrashuv O‘zbekiston va Qirg‘izistonning sohaviy tashkilotlari o‘rtasidagi hamkorlikning aniq yo‘nalishlarini, avvalo, O‘zbekiston farmatsevtika mahsulotlarining Qirg‘iziston bozoridagi ishtirokini kengaytirish masalalarini muhokama qilish uchun maydon bo‘ldi.