O‘zbekiston bosh vaziri Aripov Xitoyga tashrif buyuradi

Toshkent, O‘zbekiston (UzDaily.uz) — O‘zbekiston Respublikasi Bosh vaziri Abdulla Aripov 2026 yil 6–7 may kunlari Xitoy Xalq Respublikasiga tashrif buyuradi va O‘zbekiston–Xitoy hukumatlararo hamkorlik qo‘mitasi yig‘ilishida ishtirok etadi. Bu haqda Xitoyning “Sinxua” axborot agentligi xabar bermoqda.

Tashrif doirasida Aripov Xitoy Kommunistik partiyasi Markaziy qo‘mitasi Siyosiy byurosi aʼzosi, Xitoy Davlat kengashi vitse-premyeri Lyu Gochjun bilan birgalikda mazkur hukumatlararo mexanizmning sakkizinchi yig‘ilishiga hamraislik qiladi. Tomonlar ikki tomonlama hamkorlikning hozirgi holati va uni rivojlantirish istiqbollarini muhokama qilishni rejalashtirmoqda.

O‘zbekiston va Xitoy o‘rtasidagi hukumatlararo hamkorlik qo‘mitasi 2011 yilda tashkil etilgan bo‘lib, ikki davlat o‘rtasida siyosiy, iqtisodiy va gumanitar sohalardagi hamkorlikni muvofiqlashtirishda asosiy platforma hisoblanadi. Qo‘mitaning oldingi, yettinchi yig‘ilishi 2024 yil 13 may kuni Toshkent shahrida bo‘lib o‘tgan.

Kutilishicha, Pekinda bo‘lib o‘tadigan navbatdagi uchrashuv yuqori darajadagi muntazam muloqotning davomi bo‘lib, O‘zbekiston va Xitoy o‘rtasida turli yo‘nalishlarda hamkorlikni yana-da kengaytirish masalalarini ko‘rib chiqish imkonini beradi.