Toşkent, Özbekiston (UzDaily.uz) — 2026 yil yanvar–oktyabr oylarida Özbekiston 6 milliard 75,7 million dollarlik turistik xizmatlar eksportini amalga oşirdi. Bu ötgan yilning şu davriga nisbatan 49,5 foizga köp. Bu haqda Özbekiston Respublikasi Turizm qömitasi xabar berdi.
Eksport tuşumi qaysi mamlakatlar hissasiga töğri keldi?
Markaziy Osiyo mamlakatlari uşbu eksportning 44,4 foizini yoki 2,7 milliard dollarini ta’minladi. Qolgan davlatlar hissasiga esa 55,6 foiz yoki 3,4 milliard dollar töğri keldi.
Turistik xizmatlar respublika umumiy eksportining 20 foizini taşkil etdi.
Sayyohlar soni 19,4 foizga oşdi
Ön oy davomida Özbekistonga turistik maqsadlarda 11 million 622,1 ming nafar xorijiy fuqaro taşrif buyurdi. Bu 2025 yilning şu davriga nisbatan qariyb 1,9 million nafarga yoki 19,4 foizga köp.
Qömita ma’lumotlariga köra, qator mamlakatlardan kelgan sayyohlar soni sezilarli darajada oşgan. Eng köp sayyoh Rossiyadan kelgan — 1 million 104,1 ming nafar. Bu bir yil avvalgi körsatkiçdan 1,3 baravar köp. Xitoydan 430,3 ming nafar sayyoh taşrif buyurgan, bu ikki baravar ösişni anglatadi. Turkiyadan kelganlar soni esa 169,6 ming nafarni taşkil etib, 15 foizga oşgan.
Yevropa mamlakatlari orasida Germaniyadan 50,8 ming nafar (+26%), Fransiyadan 32,9 ming nafar (+20%), Buyuk Britaniyadan esa 30,2 ming nafar (+26%) sayyoh kelgan.
AQŞdan 47,3 ming nafar fuqaro taşrif buyurgan, bu ötgan yilga nisbatan 1,4 baravar köp. Yaponiyadan kelgan sayyohlar soni 42,8 ming nafarni taşkil etib, 1,5 baravar oşgan.
Malayziyadan 15,9 ming nafar sayyoh kelgan (1,7 baravar ösiş), Indoneziyadan esa 10,5 ming nafar (1,6 baravar ösiş) taşrif buyurgan. Misrdan kelgan mehmonlar soni 7,5 ming nafarga yetib, 1,9 baravar köpaygan.
