Хитой қурилиш вазири Ни Хун бошчилигидаги делегация Ўзбекистонга келди
Тошкент, Ўзбекистон (UzDaily.uz) — Хитой Халқ Республикаси Уй-жой, қишлоқ ва шаҳар қурилиш вазири Жаноб Ни Ҳонг бошчилигидаги делегация мамлакатимизга расмий ташриф билан етиб келди.
Меҳмонларни Қурилиш ва уй-жой коммунал хўжалиги вазири ўринбосари Озода Жўраева кутиб олди.
Ташриф доирасида Жаноб Ни Ҳонг Тошкент ва Самарқанд шаҳарларидаги диққатга сазовор бунёдкорлик объектлари ва замонавий инфратузилма лойиҳалари билан танишади.
Ушбу ташриф Ўзбекистон ва Хитой ўртасидаги қурилиш, шаҳарсозлик ва коммунал хизмат кўрсатиш соҳаларидаги ҳамкорлик алоқаларини мустаҳкамлашга хизмат қилиши шубҳасиз.
