Тошкент, Ўзбекистон (UzDaily.uz) — 2026 йил 29 ноябрдан бошлаб Нукус ва Қозоғистоннинг Атирау шаҳри ўртасида мунтазам авиарейслар амалга оширилади.
Нукус – Атирау – Нукус йўналиши бўйича парвозлар ҳафтасига бир марта, якшанба кунлари бажарилиши режалаштирилган.
Янги йўналиш Ўзбекистон ва Ғарбий Қозоғистон ўртасидаги ҳаво қатнови имкониятларини кенгайтиради ҳамда йўловчиларга икки мамлакат ўртасида сафар қилиш учун қўшимча имконият яратади.
Атирау Қозоғистоннинг ғарбий қисмида, Урал дарёси соҳилида жойлашган. Ушбу ҳудуд анъанавий равишда Европа ва Осиё туташган нуқта сифатида қаралади.
