Татаристонда юк машинаси иштирокидаги ЙТҲда уч нафар Ўзбекистон фуқароси ҳалок бўлди

Тошкент, Ўзбекистон (UzDaily.uz) — Татаристоннинг Зайинск туманида 5 сентябрь куни «Набережные Челны – Альметьевск» йўлининг 38-чақириғида Daewoo Nexia енгил автомобили ва MAN юк машинаси тўқнашиб кетди. ЙТҲ оқибатида уч нафар Ўзбекистон фуқароси ҳалок бўлди.

Ўзбекистоннинг Қозондаги консуллиги маълумотларига кўра, ҳалок бўлганлар 35, 33 ва 30 ёшли эркаклар бўлиб, барчаси Наманган вилоятида туғилган. Жасадлар Миграция агентлиги ҳисобидан ватанига қайтарилади.

Дипломатик ваколатхона ҳолат назорат остида эканини ва маҳаллий ҳокимият идоралари билан ҳамкорликда иш олиб борилаётганини маълум қилди. Ҳодиса юзасидан тергов ҳаракатлари олиб борилмоқда.