Тошкент, Ўзбекистон (UzDaily.uz) — Ўзбекистон Марказий банки Франциянинг Societe Generale банк гуруҳи ваколатхонасини аккредитациядан ўтказди. Бу ҳақда регулятор матбуот хизмати хабар берди.
Ваколатхона мамлакат молия бозорини ўрганиш, шунингдек, давлат органлари, молия ташкилотлари ва хусусий сектор билан ҳамкорликни кенгайтириш мақсадида ташкил этилган.
Societe Generale 1864 йилда ташкил этилган. Марказий банк маълумотларига кўра, гуруҳ 58 та мамлакатда фаолият юритади ва Европанинг етакчи банк-молия гуруҳлари қаторига киради.