Саида Мирзиёева XАЭA раҳбари билан атом соҳасида ҳамкорликни муҳокама қилди

Тошкент, Ўзбекистон (UzDaily.uz) — Ўзбекистон Республикаси Президенти Администрацияси раҳбари Саида Мирзиёева Халқаро атом энергияси агентлиги (XАЭA) бош директори Рафаэль Гросси билан учрашув ўтказди. У Гросси Жиззах вилоятида атом электр станцияси қурилиши бошланиши маросимида иштирок этиш учун Ўзбекистонга келган.

Учрашув давомида Ўзбекистон билан XАЭA ўртасида ядро энергетикаси соҳасида миллий инфратузилмани яратиш, ядро тиббиётини ривожлантириш ҳамда соҳа учун кадрлар тайёрлаш масалалари муҳокама қилинди.

Томонлар шунингдек атом энергиясидан тинч мақсадларда фойдаланиш бўйича лойиҳаларни амалга ошириш ва мамлакатнинг кадрлар салоҳиятини мустаҳкамлаш бўйича келгусидаги ҳамкорлик истиқболларини кўриб чиқдилар.