Тошкент, Ўзбекистон (UzDaily.uz) — Халқаро футбол тарихи ва статистикаси федерацияси (IFFHS) ўзбекистонлик ҳакам Илгиз Танташевни 2026 йилги футбол бўйича Жаҳон чемпионатининг энг яхши ўн нафар ҳаками қаторига киритди.
Эълон қилинган рейтинг натижаларига кўра, Ўзбекистон вакили жаҳон чемпионати учрашувларида ишлаган ҳакамлар орасида 10-ўринни эгаллади.
Рейтингни тузишда IFFHS ҳакамларнинг турнирнинг гуруҳ босқичидаги ҳамда плей-офф учрашувларидаги фаолиятини инобатга олди.
Жаҳон чемпионатида Илгиз Танташев гуруҳ босқичи ва плей-офф учрашувларида ҳакамлик қилди. У Осиё ҳакамлари корпусининг энг юқори баҳоланган вакилларидан бирига айланди.
