«Пахтакор»нинг бош мураббийи истеъфога чиқди
Тошкент, Ўзбекистон (UzDaily.uz) --
Тошкентнинг «Пахтакор» жамоаси бош мураббийи Нўъмон Ҳасанов Ўзбекистон чемпионатининг 10-турида “Нефтчи” жамоасидан учралган мағлубиятдан сўнг истеъфога чиқди.
Эслатиб ўтамиз, Фарғонанинг “Нефтчи” жамоаси амалдаги Ўзбекистон чемпионл арини меҳмонда 2:1 ҳисобида мағлубиятга учратди.
“Пахтакор” матбуот хизматининг хабар беришича, клуб раҳбарияти мутахассиснинг аризасини қаноатлантирган. Вақтинчалик бош мураббий вазифасини Григорий Колосовский бажариб туради.
