Ўзбекистонда шифобахш ўсимликлар асосида дори воситалари ишлаб чиқариш йўлга қўйилиши режалаштирилмоқда
Тошкент, Ўзбекистон (UzDaily.uz) — 2025 йилнинг 22 август куни Фармацевтика тармоғини ривожлантириш агентлиги директори Абдулла Азизов Хитойнинг Henan Qingmaitong Biotechnology компанияси ижроия президенти Сун Вен билан учрашув ўтказди.
Учрашувда:
ҳар икки томон ўз фаолияти ва йўналишлари билан таништирди;
компаниянинг Ўзбекистонда доривор ўсимликлар асосида дори воситалари ишлаб чиқариш ва МДҲ, Европа бозорига чиқиш режалари муҳокама этилди;
herbal planting (доривор ўсимликларни етиштириш ва қайта ишлаш) бўйича маҳаллий тадбиркорлар учун тренинглар ташкил этиш таклифи илгари сурилди.
Агентлик директори А.Азизов ушбу ташаббусларни қўллаб-қувватлаб, компанияга институционал кўмак кўрсатишга тайёрлигини билдирди.
