Тошкент, Ўзбекистон (UzDaily.uz) — Ўзбекистон ва Покистон минтақавий ўзаро боғлиқликни мустаҳкамлаш масалаларини муҳокама қилди. Бу ҳақда Ўзбекистон Ташқи ишлар вазирлиги хабар берди.
Ўзбекистон Президентининг Афғонистон бўйича махсус вакили Исматулла Иргашев 17 сентябрь куни Покистоннинг Ўзбекистондаги Фавқулодда ва мухтор элчиси Муҳаммад Мудассир Типу билан учрашув ўтказди.
Учрашувда икки томонлама шерикликни янада ривожлантириш масалалари муҳокама қилинди.
Мулоқот давомида Ўзбекистон–Покистон ҳамкорлигининг долзарб масалалари, жумладан, сиёсий мулоқотни ривожлантириш, савдо-иқтисодий ҳамкорликни кенгайтириш ва минтақавий ўзаро боғлиқликни мустаҳкамлаш масалалари кўриб чиқилди.
Томонлар мунтазам алоқаларни сақлаб қолиш ҳамда минтақада барқарорлик, ишонч ва барқарор ривожланишни мустаҳкамлашга қаратилган ташаббусларни биргаликда илгари суришдан ўзаро манфаатдор эканини тасдиқлади.
