Ўзбекистон ва Албания президентлари Фахрий меҳмонлар хиёбонида дарахт экдилар

Тошкент, Ўзбекистон (UzDaily.uz) — Олий даражадаги музокаралар якунида Ўзбекистон Республикаси Президенти Шавкат Мирзиёев ва Албания Республикаси Президенти Байрам Бегай Фахрий меҳмонлар хиёбонида биргаликда дарахт экдилар.

Ушбу маросим икки мамлакат халқлари ўртасидаги дўстлик ва ўзаро англашув мустаҳкамланиб бораётгани, Ўзбекистон – Албания кўп қиррали муносабатларини ривожлантиришда янги босқич бошланганининг рамзи бўлди.