Тошкент, Ўзбекистон (UzDaily.uz) — Ўзбекистон вакилалари Полина Кудерметова ва Мария Тимофеева Хитойнинг Гуанчжоу шаҳрида бўлиб ўтган WTA 250 тоифасидаги Guangzhou Open турнирининг жуфтлик баҳсларида ғолиб бўлди.
Финал учрашувида улар Хитой Тайбэйи теннисчилари И-Хсуан Чо ва И-Тсен Чони 7:5, 7:6 (1) ҳисобида мағлуб этди.
Ҳал қилувчи баҳс икки сетда якунланди. Биринчи сетда Кудерметова ва Тимофеева 7:5 ҳисобида ғалаба қозонди. Иккинчи сетда эса тай-брейкда 7:6 (1) ҳисобида устун келди.
Шу тариқа, ўзбек теннисчилари дуэти WTA 250 тоифасидаги мусобақанинг жуфтлик баҳсларида чемпионликни қўлга киритди.
