Тошкент, Ўзбекистон (UzDaily.uz) — Ўзбекистон Шахмат федерацияси FIDE Excellence Awards 2026 халқаро мукофотининг Best Federation («Энг яхши федерация») номинацияси ғолиби бўлди.
Мукофот Федерациянинг Ўзбекистонда шахматни ривожлантириш, спортчилар учун имкониятларни кенгайтириш, ёшлар ўртасида шахматни оммалаштириш ва мамлакатнинг халқаро шахмат майдонидаги мавқеини мустаҳкамлаш борасидаги фаолиятини эътироф этади.
FIDE Excellence Awards 2026 доирасида шахмат оламидаги алоҳида ютуқлари учун тўққиз нафар лауреат тақдирланди. «Энг яхши шахматчи» ва «Энг яхши шахматчи аёл» номинацияларидаги мукофотлар FIDE 46-Шахмат Олимпиадасининг ёпилиш маросимида топширилади.
Ўзбекистон Шахмат федерацияси учун ушбу мукофот миллий шахмат мактабини ривожлантириш ва халқаро мусобақаларда иштирок этаётган шахматчиларни қўллаб-қувватлаш бўйича амалга оширилган ишлар натижаларини эътироф этади.
FIDE 46-Шахмат Олимпиадаси 2026 йилда Самарқандда ўтказилмоқда.
