Ўзбекистон Президентининг махсус вакили Афғонистон бўйича Европа Иттифоқи билан ҳамкорликни муҳокама қилди

Тошкент, Ўзбекистон (UzDaily.uz) — 2025 йил 8 сентябрь куни Ўзбекистон Республикаси Президентининг Афғонистон бўйича Махсус вакили Исматулла Иргашев Европа Иттифоқининг Ўзбекистондаги Элчиси Тойво Клаар билан учрашув ўтказди.

Музокаралар давомида томонлар Афғонистон бўйича икки томонлама ҳамкорликнинг жорий ҳолати юзасидан фикр алмашдилар. Афғон муаммосини ҳал этиш бўйича мунтазам мулоқотни давом эттиришдан ҳар икки томон ҳам манфаатдор эканлиги таъкидланди.

Учрашув ижобий руҳда ўтди ва Тошкент ҳамда Брюссел ўртасидаги амалий мулоқотни янада ривожлантиришга бўлган ўзаро қизиқишни тасдиқлади.