Ўзбекистон банклари кредит портфели 636 трлн сўмга етдиЎзбекистон банклари кредит портфели 636 трлн сўмга етди

Тошкент, Ўзбекистон (UzDaily.uz) — Марказий банк маълумотига кўра, 2026 йил 1 июнь ҳолатига Ўзбекистон тижорат банкларининг жами кредит портфели 636 триллион сўмга етди.

Давлат улуши мавжуд банклар томонидан 420,4 триллион сўмлик кредитлар ажратилган бўлиб, бу банк сектори умумий кредит портфелининг 66,1 фоизини ташкил этди.

Қолган банклар ҳиссасига эса 215,5 триллион сўм ёки умумий кредит портфелининг 33,9 фоизи тўғри келади.

Кредитлаш ҳажми бўйича етакчиликни 107,5 триллион сўм ёки банк тизимидаги барча кредитларнинг 16,9 фоизига эга Ўзмиллийбанк сақлаб қолмоқда. Ундан кейин Агробанк — 90,9 триллион сўм (14,3 фоиз), Ўзсаноатқурилишбанк — 61,2 триллион сўм (9,6 фоиз), Асака банк — 40,2 триллион сўм (6,3 фоиз) ва Капиталбанк — 37,9 триллион сўм (6 фоиз) жойлашган.

Энг кичик кредит портфели Садерат банк ҳиссасига тўғри келиб, у 9,2 миллиард сўмни ташкил этди. Шунингдек, Узум банкнинг кредит портфели 241,5 миллиард сўм, Пойтахт банкники 370,5 миллиард сўм, Мадад инвест банкники 593,4 миллиард сўм ва Октобанкники 606,9 миллиард сўмни ташкил қилди.