Ўзбекистонда бензин ишлаб чиқариш 21,45%га, дизель ёқилғиси эса 39,48%га камайди

Тошкент, Ўзбекистон (UzDaily.uz) — 2025 йилнинг январь-февраль ойларида Ўзбекистонда автомобил бензини ишлаб чиқариш ҳажми камайди.

Миллий статистика қўмитаси маълумотларига кўра, жорий йилнинг илк икки ойида мамлакат корхоналари 189,4 минг тонна бензин ишлаб чиқарган, бу 2024 йилнинг шу даврига нисбатан 21,45% камдир.

Дизель ёқилғиси ишлаб чиқариш ҳажми ҳам сезиларли даражада камайган. Ҳисобот даврида унинг ҳажми 74,5 минг тоннани ташкил этди, бу эса ўтган йилнинг январь-февраль ойларига нисбатан 39,48% камдир.