Тошкент, Ўзбекистон (UzDaily.uz) — 2026 йил сентябрь ойида Soliq мобил иловаси фойдаланувчилари энг кўп «Anglesey Food» (Korzinka) компаниясининг чекларини рўйхатдан ўтказган.
Бир ой давомида компаниянинг 6,7 млн та чеки рўйхатга олинган, кешбэк суммаси эса 8,86 млрд сўмни ташкил этган. Бу ҳақда Ўзбекистон Республикаси Солиқ қўмитаси хабар берди.
Рейтингда иккинчи ўринни 3,15 млн та чек ва 1,42 млрд сўм кешбэк билан «Xalq Retail» (Olma) эгаллади. Учинчи ўриндан «Havas Food» (Havas) жой олди: компаниянинг 2,31 млн та чеки рўйхатга олинган ва 1,11 млрд сўм кешбэк ҳисобланган.
Кучли бешликни «Madina-Qandolat» ва «Darvoza Savdo» (Makro) якунлади. «Madina-Qandolat» чеклари бўйича 818 мингта чек рўйхатга олиниб, 813,7 млн сўм кешбэк ҳисобланган. «Darvoza Savdo» чеклари эса 403,6 мингтани ташкил этган, кешбэк суммаси 241,3 млн сўм бўлган.
Рейтингнинг олтинчи ўрнидан ўнинчи ўрнигача «International Foodchain» (KFC) — 369,1 мингта чек ва 399,6 млн сўм кешбэк, шунингдек, «Cheese Day» («Сырная лавка») — 338,8 мингта чек ва 320,4 млн сўм кешбэк билан жойлашди.
«Cheese Day» рейтингда бир поғона юқорилади. 337,7 мингта чек ва 746 млн сўм кешбэк кўрсаткичига эга «Ung Petro» эса бир поғона пастлади.
«Assorti Discount Market» (Assorti) икки поғона юқорилаб, 324,6 мингта чек ва 163,5 млн сўм кешбэк билан қайд этилди. «Best Quality Products» (Tegen) бир поғона пастлаб, 308,6 мингта чек ва 243,5 млн сўм кешбэк билан рейтингдаги ўрнини эгаллади.
Иккинчи ўнталикда «Mak Food Servis» (EVOS) етакчилик қилмоқда: компания 305,8 мингта чек ва 238,8 млн сўм кешбэк кўрсаткичига эга. Ўтган ойга нисбатан у бир поғона пастлаган. Кейинги ўринлардан 303,3 мингта чек ва 278,7 млн сўм кешбэк билан «Grand Pharm Trade» (Grandpharm), 237,1 мингта чек ва 705,1 млн сўм кешбэк билан «Namangan Istiqlol Bog‘i», 206,6 мингта чек ва 185,7 млн сўм кешбэк билан «Oqtepa-Food-Service» (Oqtepa Lavash), шунингдек, 185,3 мингта чек ва 169,3 млн сўм кешбэк билан «Vaksina Healthcare» (Vaksina Med) жой олган.
16-ўринни 185,1 мингта чек ва 166,3 млн сўм кешбэк билан «Big-Family-Pharm» (Big Pharmacy) эгаллади. 17-ўриндан эса 180,6 мингта чек ва 192,6 млн сўм кешбэк кўрсаткичи билан «Sfera Vostok» (Magnum) жой олди.
«City Pharm» илк бор рейтингга кириб, 137,8 мингта чек ва 157,1 млн сўм кешбэк билан 18-ўринни эгаллади. «7777 Pharm» бир поғона пастлаб, 120,3 мингта чек ва 226,7 млн сўм кешбэк билан 19-ўриндан жой олди. Кучли йигирматаликни эса бир поғона пастлаган «LPP CA» (LPP) якунлади: компаниянинг 84 мингта чеки рўйхатга олинган ва 193,6 млн сўм кешбэк ҳисобланган.
Маълумотлар 2026 йил 29 октябрь ҳолатига келтирилган. Маркетплейслар орқали сотилган товарлар чеклари рейтингда ҳисобга олинмаган.
