Тошкент, Ўзбекистон (UzDaily.uz) — Ўзбекистон Президентининг Афғонистон бўйича махсус вакили Исматулла Иргашев мамлакатдаги Бельгия элчиси Маттиас Кенде билан учрашув ўтказди. Томонлар Афғонистондаги вазият ва Афғонистон йўналишидаги ҳамкорлик масалаларини муҳокама қилди.
Музокаралар давомида суҳбатдошлар Афғонистондаги жорий вазиятни, шунингдек, ушбу мамлакат билан боғлиқ икки томонлама ҳамкорликнинг айрим масалаларини кўриб чиқди.
Маттиас Кенде Ўзбекистоннинг Афғонистон бўйича минтақавий ҳамжиҳат позицияни шакллантириш борасидаги саъй-ҳаракатларини юқори баҳолади.
Учрашув якунлари бўйича томонлар Тошкент ва Брюссель ўртасидаги амалий мулоқотни янада ривожлантиришдан манфаатдор эканини тасдиқлади.
