Тошкент, Ўзбекистон (UzDaily.uz) — Ўзбекистон ўсмирлар терма жамоаси U-16 Айдер Қурбаев бошчилигидаги илк учрашувида Қозоғистон U-17 терма жамоаси билан дуранг ўйнади. Учрашув 4:4 ҳисобида якунланди.
Ўзбекистон таркибида Файз Ачилов, Абдуллоҳ Холмаматов ва Беҳруз Саматов гол урди. Қозоғистон дарвозасига киритилган яна бир тўп Ахилбоевнинг автоголи натижасида қайд этилди.
Ўзбекистон терма жамоасининг асосий таркибида Азиз Бердиев, Азизилло Эркинжонов, Абдулазиз Бобиров, Усмон Шуҳратиллаев, Яҳё Бахтияров, Розимурод Розимуродов, Ҳусан Ўралов, Абу бакр Маматов, Ҳасан Ўралов, Файз Ачилов ва Абдуллоҳ Холмаматов майдонга тушди.
Учрашув давомида захира ўриндиғидан Баҳриддинов, Одилов, Ўктамов, Акбаралиев, Тўрақулов, Ўсканбоев, Андреев, Саматов ва Баходиров майдонга чиқди. Аюпов, Абдураҳимов ва Шукуров захирада қолди.
