Тошкент, Ўзбекистон (UzDaily.uz) — «Ўзбекистон темир йўллари» АЖ Франциянинг Dassault Systèmes компанияси вакиллари билан учрашув ўтказди. Унда темир йўл соҳасини рақамлаштириш истиқболлари муҳокама қилинди.
Учрашувда Dassault Systèmes компаниясининг Марказий Осиё мамлакатлари бўйича директори Микеле Латтере иштирок этди.
Томонлар темир йўл транспорти фаолиятига замонавий рақамли технологияларни жорий этиш, ишлаб чиқариш ва эксплуатация жараёнларини мақбуллаштириш, шунингдек, бошқарув самарадорлигини ошириш имкониятларини кўриб чиқди.
Темир йўл соҳасини рақамли трансформация қилиш йўналишидаги ҳамкорлик истиқболларига алоҳида эътибор қаратилди.
Учрашув иштирокчилари биргаликдаги ишнинг эҳтимолий йўналишлари юзасидан фикр алмашди.
Учрашув якунлари бўйича аниқ лойиҳалар, уларни амалга ошириш муддатлари ва инвестициялар ҳажми ҳақида маълумот берилмаган.
