Ўзбекистон Марказий банки учта янги микромолия ташкилотини рўйхатдан ўтказди

Тошкент, Ўзбекистон (UzDaily.uz) — Ўзбекистонда учта янги микромолия ташкилоти рўйхатдан ўтказилди. Бу ҳақда Ўзбекистон Марказий банки матбуот хизмати хабар берди.

Регулятор маълумотларига кўра, OLMOS FINANCE, OSON MOLIYA ва PRIME SARMOYA микромолия ташкилотлари фаолиятини амалга оширувчи ташкилотлар реестрига киритилган.

Ушбу компанияларни реестрга киритиш тўғрисидаги тегишли қарорлар Ўзбекистон Марказий банки Бошқаруви томонидан қабул қилинган.