Asia Alliance Bank 20 млн долларлик валюта облигацияларини чиқаради
Тошкент, Ўзбекистон (UzDaily.uz) — Asia Alliance Bank Кузатув кенгаши 20 миллион доллар миқдорида валюта облигацияларини чиқариш тўғрисида қарор қабул қилди. Қарор 2026 йил 10 августда қабул қилинган. Бу ҳақда Openinfo хабар берди.
Облигацияларни очиқ обуна орқали жойлаштириш режалаштирилмоқда. Купон ставкаси йиллик 7 фоизни, муомала муддати уч йилни, битта облигациянинг номинал қиймати эса 100 долларни ташкил этади.
Купон даромади ҳар чоракда тўлаб борилади.
Облигацияларни жойлаштиришни бошлаш Openinfo’да облигациялар чиқарилишининг давлат рўйхатидан ўтказилгани тўғрисидаги хабар эълон қилинган санадан бошлаб 15-календарь кунига режалаштирилган.
Аввалроқ микромолия ташкилоти Agat Credit ҳам валюта облигацияларини чиқариш режалари ҳақида хабар берган эди. Унинг чиқариш ҳажми 10 миллион долларни, купон ставкаси йиллик 11,5 фоизни, муомала муддати эса икки йилни ташкил этади.
