Ўзбекистон божхоначилари ЕМО мукофоти билан тақдирланди
Тошкент, Ўзбекистон (UzDaily.uz) --
Ўзбекистон божхоначилари Европа ва Марказий Осиёда озон қатламини асрашда қўшган ҳиссаси учун ЕМО мукофоти билан тақдирланди. Мукофот ҳар йили ўтказиладиган Европа ва Марказий Осиёда озон қатламини асраш ҳудудий Учрашуви вақтида топширилди, дея хабар беради Табиатни мухофаза қилиш давлат қўмитаси матбуот хизмати.
Бу йил Учрашув Ашхабод (Туркманистон)да бўлиб ўтди. Учрашув давомида қатнашчилар божхона хизматларини ҳудудий ҳамкорлигини мустаҳкамлаш масалаларини муҳокама қилишди.
