Мирзиёев кучли зилзиладан сўнг Афғонистонга таъзия изҳор этди
Тошкент, Ўзбекистон (UzDaily.uz) — Ўзбекистон Президенти Шавкат Мирзиёев Афғонистон раҳбариятига Кунар ва Нангарҳор вилоятларида содир бўлган кучли зилзила оқибатида кўплаб қурбонлар ва жабрланувчилар муносабати билан таъзия билдирди.
«Толибон» ҳаракати ҳукумати маълумотларига кўра, магнитудаси 6,0 бўлган силкиншлар натижасида 800 нафардан ортиқ киши ҳалок бўлган, тахминан 2800 нафар одам жароҳат олган.
Афғонистон Соғлиқни сақлаш вазирлиги жабрланувчилар сони сезиларли даражада ошиши мумкинлигини огоҳлантирмоқда.
Айниқса, зилзила эпицентри жойлашган Кунар вилояти қаттиқ зарар кўрган. Мобил алоқа узилишлари ва табиий офатдан жиддий зарарланган айрим ҳудудларга кириш чеклангани сабабли ҳалок бўлган ва жароҳат олганлар ҳақида аниқ маълумотлар ҳозирча мавжуд эмас.
Reuters агентлиги қайд этишича, қутқарув хизматлари қурбонлар сони ўнлаб кишига етган бўлиши мумкин бўлган олис қишлоқларга етиб боришга уринмоқда.
