Милан-Кортина-2026: Ўзбекистон делегацияси 4 та йўлланма қўлга киритди

Тошкент, Ўзбекистон (UzDaily.uz) — Милан-Кортина-2026 қишки Олимпия ўйинлари стартига саноқли кунлар қолди. Ўзбекистонлик спортчилар ушбу йилнинг энг нуфузли мусобақаларидан бирига 4 та йўлланма қўлга киритишди.

Саралаш цикли якунига кўра, Дмитрий Чигирев ҳамда Екатерина Гейниш фигурали учишнинг жуфтлик, Медет Назаров тоғ чанғисининг слалом ва гигант-слалом, Даниил Ейбог шорт-трекнинг 500 метр масофага югуриш йўналишларида Олимпиада йўлланмаларига сазовор бўлишди.

Афсуски, тайёргарлик жараёнида Дмитрий Чигирев жароҳат олиб, Олимпиадагача тиклана олмади. Шу боис, мусобақаларда спортчиларимиз тоғ чанғиси ва шорт-трек дастурларида стартга чиқишади.