Ўзбекистон Саудия Арабистонининг энг йирик маданий мажмуаларидан бирида миллий павильонини тақдим этади

Тошкент, Ўзбекистон (UzDaily.uz) — Тошкент халқаро инвестиция форуми доирасида Ўзбекистон Маданият ва санъатни ривожлантириш жамғармаси раиси Гаяне Умерова ва Саудия-Ўзбекистон ишбилармонлар кенгаши раиси Муҳаммад Абдулла Абунайён ўртасида йўл харитаси имзоланди.

Ҳужжат Саудия Арабистони Подшоҳлигининг энг йирик маданий-кўнгилочар мажмуаларидан бири бўлган ʼЪБоулевард Ворлдʼъда Ўзбекистон миллий павилиони лойиҳасини амалга ошириш бўйича ҳамкорликни назарда тутади.

Лойиҳа Ўзбекистоннинг туризм ва маданий салоҳиятини тарғиб этиш ҳамда Ўзбекистон ва Саудия Арабистони ўртасидаги ҳамкорликни янада мустаҳкамлаш учун узоқ муддатли платформага айланади.