Тошкент, Ўзбекистон (UzDaily.uz) — Криштиану Роналду ноябрь ойидаги ўйинлардан сўнг Португалия терма жамоаси сафида бошқа майдонга тушмаслигини маълум қилди. Бу ҳақда 41 ёшли футболчи ижтимоий тармоқларда хабар берди.
Аввалроқ ҳужумчи ноябрь ойидаги учрашувлар учун миллий терма жамоага чақирилиши кутилган эди. Энди эса ушбу ўйинлар Роналду учун терма жамоа таркибидаги сўнгги учрашувлар бўлади.
Роналду 23 йил давомида Португалия терма жамоаси шарафини ҳимоя қилди. Бу вақт давомида у 234 та ўйинда майдонга тушиб, 146 та гол урди. Ҳар икки кўрсаткич ҳам миллий жамоа тарихидаги рекорд ҳисобланади.
Футболчи терма жамоа билан биргаликда 2016 йилда Европа чемпионати ғолиби бўлди. Шунингдек, 2019 ва 2025 йилларда икки марта УЕФА Миллатлар лигасида ғолиб чиқди.
