Жанубий кореялик тадбиркор Наманганда лойиҳаларни режалаштирмоқда

Тошкент, Ўзбекистон (UzDaily.uz) — Жанубий Кореянинг U&K Global Network, EcoFarm Global ва Baeklim Development компаниялари директорлар кенгаши раиси Лим Санг Хва янги инвестиция лойиҳаларини муҳокама қилиш мақсадида Наманган вилоятига ташриф буюрди. Бу ҳақда Наманган вилояти ҳокимлиги ахборот хизмати хабар берди.

Ташриф доирасида тадбиркор Наманган вилояти ҳокими Шавкатжон Абдураззаков билан учрашди. Томонлар Чуст ва Мингбулоқ туманларида балиқчилик ҳамда қурилиш соҳаларида амалга оширилиши режалаштирилаётган лойиҳаларни кўриб чиқдилар.

Чуст туманида Лим Санг Хва балиқ учун озуқа ишлаб чиқаришга, шунингдек, замонавий кўп қаватли турар жой мажмуаларини қуришга инвестиция киритиш ниятида.

Мингбулоқ туманида «ақлли» балиқчилик технологияларидан фойдаланган ҳолда инновацион балиқчилик хўжалигини ташкил этиш масаласи кўриб чиқилмоқда. Бундан ташқари, инвестор балиқни қайта ишлаш лойиҳасини амалга оширишни режалаштирмоқда.

Лим Санг Хва 20 йилдан ортиқ вақтдан бери профессионал фаолият билан шуғулланиб келади ва қишлоқ хўжалиги, кўчмас мулкни ривожлантириш ҳамда халқаро савдо соҳаларида лойиҳаларни амалга оширган. 2025 йилдан буён у Жанубий Корея ва Ўзбекистон ўртасидаги иқтисодий ҳамкорликни кенгайтиришда иштирок этиб келмоқда.

Учрашув давомида томонлар таклиф этилаётган инвестиция лойиҳаларини муҳокама қилиб, ҳамкорликни давом эттиришга келишиб олдилар.