Жанубий Кореядан Ўзбекистонга келаётган туристлар сони ошди

Тошкент, Ўзбекистон (UzDaily.uz) — Миллий статистика қўмитаси маълумотларига кўра, 2026 йил январь–февраль ойларида Ўзбекистонга туристик мақсадларда Корея Республикасининг 6 385 нафар фуқароси ташриф буюрган.

Бу кўрсаткич ўтган йилнинг шу даврига нисбатан 1 187 нафарга ошган бўлиб, 21,7 фоизлик ўсишни ташкил этди.

Ташрифларнинг асосий қисми саёҳат мақсадида амалга оширилган — 4 682 нафар. Шунингдек, Жанубий Корея фуқароларининг сезиларли қисми қариндошларини кўриш учун келган — 987 нафар, яна 679 нафар фуқаро сафар мақсади сифатида таълимни кўрсатган.

Хизмат сафари билан келганлар 22 нафарни, даволаниш мақсадида ташриф буюрганлар эса 15 нафарни ташкил этди.