Истамбул аэропортида портлаш: 36 нафар ҳалок бўлди, 147 нафар жароҳат олди
Тошкент, Ўзбекистон (UzDaily.uz) --
Истамбул шаҳридаги “Отатурк” халқаро аэропортидаги халқаро терминалга кираверишда иккита портлаш юз берган. Яна бир портлаш аэропортдаги автомашиналар тўхташ ерида рўй берган.
Истамбул шаҳридаги халқаро аэропортда содир этилган террорчилик ҳаракатлари оқибатида кўплаб инсонларнинг ҳалок бўлгани ва жароҳат олгани хабар қилинмоқда. Дастлабки маълумотларга кўра, 36 нафар ҳалок бўлди, 147 нафар жароҳат олди. Кўпчилик портлашдан эмас, шиша синиқларидан жароҳатланган.
Гувоҳларнинг қайд этишича, бомбаларни портлатиш олдидан 3 нафар террорчилар ўқотар қуролдан йўловчиларга қарата ўқ узишган.
