Тошкент, Ўзбекистон (UzDaily.uz) — Хитойлик тадбиркорлар Ўзбекистонда ишлаб чиқариладиган ипак ип ва ипак момиғини харид қилишга қизиқиш билдирди. Маҳсулотларни етказиб бериш истиқболлари «Ўзбекипаксаноат» уюшмаси вакиллари ҳамда Хитой делегацияси ўртасидаги учрашувда муҳокама қилинди.
Учрашувда уюшма раиси Рашид Абдуллаев ва бошқарув раисининг биринчи ўринбосари Миряшин Сагатов иштирок этди.
Музокаралар давомида Хитой томони Ўзбекистон ипак маҳсулотларини харид қилиш нияти борлигини маълум қилди. Учрашув иштирокчилари, шунингдек, ўзаро манфаатли ҳамкорликни йўлга қўйиш, маҳсулот етказиб беришни ташкил этиш ва савдо алоқаларини янада кенгайтириш имкониятларини кўриб чиқди.
Харидларнинг аниқ ҳажми ва эҳтимолий етказиб бериш муддатлари ҳозирча маълум қилинмаган.
