Фарғона вилояти Япония компаниялари билан лойиҳаларни муҳокама қилди

Тошкент, Ўзбекистон (UzDaily.uz) — Фарғона вилояти делегацияси Японияда фаолият юритувчи электроника ва махсус ускуналар ишлаб чиқарувчи “Kansai Electronics Co., Ltd.” ва “Material Works” компанияси раҳбарияти билан истиқболли лойиҳалар юзасидан фикр алмашди.

Учрашувда Ўзбекистонда, хусусан, Фарғона вилоятида яратилган қулай инвестиция муҳити, саноат зоналари, экспорт салоҳияти ва бизнес юритиш учун мавжуд имкониятлар ҳақида батафсил маълумот берилди.

Мулоқот чоғида электроника, махсус технологик ускуналар ишлаб чиқариш, қайта ишлаш йўналишларида қўшма лойиҳаларни амалга ошириш истиқболлари муҳокама қилинди.

Япон компаниялари вакиллари Фарғона вилоятининг саноат салоҳияти, логистик имкониятлари ва инвесторлар учун яратилаётган шароитларга катта қизиқиш билдириб, ҳамкорликни йўлга қўйиш ва аниқ лойиҳалар устида ишлашга тайёр эканликларини таъкидладилар.