Тошкент, Ўзбекистон (UzDaily.uz) — 28 октябрь соат 08:00 дан 30 октябрь соат 08:00 гача А373 «Тошкент — Ўш» автомобиль йўлининг биринчи километрида, Чирчиқ дарёси устидан ўтган кўприкда Тошкентдан Фарғона водийси томон ҳаракатланиш чекланади.
Чеклов пойтахтнинг Бектемир туманида жойлашган кўприкда таъмирлаш ишлари олиб борилиши муносабати билан жорий этилади. Бу ҳақда Ўзбекистон Автомобиль йўллари қўмитаси хабар берди.
Оҳангарон шоссеси томон ҳаракатланаётган транспорт воситалари Тошкент ҳалқа автомобиль йўлининг D001 йўлидаги 47-километрдан Роҳат айланма йўли орқали Қўйлиқ йўналишига йўналтирилади.
Юқоричирчиқ туманидан Тошкент шаҳрига кираётган автомобиллар эса D012 автомобиль йўлининг 6-километридан Йиқ-Ота ва Фарғона йўли томон қайта йўналтирилади.
