Тошкент, Ўзбекистон (UzDaily.uz) — Ўзбекистон Президенти Администрацияси раҳбари Саида Мирзиёева Ашхободда Васийликка муҳтож болаларга ёрдам кўрсатиш хайрия фонди вице-президенти Оғулжахон Атабаева ва Ҳайдар Алиев фонди вице-президенти Лейла Алиева билан учрашди.
Мирзиёеванинг сўзларига кўра, Туркманистон ва Озарбайжон вакиллари билан учрашувлар яхши анъанага айланган. У томонлар ҳамкорликда ишлаш учун янги ғоялар ва имкониятларни излашда давом этаётганини таъкидлади.
Мирзиёева Ўзбекистон, Туркманистон ва Озарбайжонни узоқ йиллик дўстлик, ўзаро ишонч ва умумий қадриятлар боғлаб туришини қайд этди.
У келгуси учрашувлар одамларга ёрдам кўрсатиш ва уч мамлакат ўртасидаги алоқаларни мустаҳкамлашга қаратилган ташаббусларни амалга оширишга хизмат қилишидан умид билдирди.
