Sarlavha: Angrenda juftlik is gazidan zaharlanib vafot etdi

Toshkent, O’zbekiston (UzDaily.uz) — Toshkent viloyatining Angren shahrida nikoh arafasida bo‘lgan erkak va ayol, dastlabki maʼlumotlarga ko‘ra, is gazidan zaharlanish oqibatida vafot etdi.

Hodisa yuzasidan shahar prokuraturasi tomonidan tergovga qadar tekshiruv o‘tkazilmoqda.

Millar reportajida keltirilgan maʼlumotlarga ko‘ra, 16 iyul kuni soat 23:53 atrofida Toshkent viloyati Ichki ishlar bosh boshqarmasiga Angren shahrida yashovchi ayoldan murojaat kelib tushgan.

Uning maʼlum qilishicha, 26 yoshli singlisi va 31 yoshli bo‘lajak turmush o‘rtog‘i uydan Gentra avtomobilida chiqib ketgan va orqaga qaytmagan.

Keyinchalik erkak va ayolning jasadlari garajda turgan Gentra avtomobili ichida topilgan.

Sud-tibbiy ekspertizasining dastlabki xulosasiga ko‘ra, o‘limga is gazidan zaharlanish, shuningdek bosh miya shishi, o‘pka shishi va o‘tkir yurak-qon tomir yetishmovchiligi sabab bo‘lgan.

Ayni paytda yuz bergan hodisa yuzasidan shahar prokuraturasi tomonidan tergovga qadar tekshiruv ishlari olib borilmoqda.