Халқаро паспортлар қабул қилувчиларга почта орқали етказилади

Тошкент, Ўзбекистон (UzDaily.uz) — Ўзбекистонда почта орқали хорижга чиқиш учун биометрик паспортни етказиб бериш хизмати йўлга қўйилиши режалаштирилмоқда.

Президент қарори билан биометрик хорижий паспортларни берганлик учун ундириладиган давлат божини қайта тақсимлаш тўғрисидаги низомга ўзгартириш ва қўшимчалар киритилди. Шунингдек, чет элга чиқиш учун паспорт олувчига почта хизмати томонидан етказиб берилиши кўзда тутилган, бу эса хизматдан фойдаланишни осонлаштиради.

Бундан ташқари, вояга етмаганларга биометрик паспорт беришда ота-оналар, васийлар ёки ҳамроҳлик қилувчи шахсларга болани хорижий давлатда қаровсиз қолдирганлик учун жавобгарлик тўғрисида огоҳлантириш берилади.