Энг сўнгги янгиликлардан хабардор бўлинг
Телеграм каналимизга обуна бўлинг
VIZA LAB хусусий бандлик агентлиги лицензияси бекор қилинди
VIZA LAB хусусий бандлик агентлиги лицензияси бекор қилинди
Тошкент, Ўзбекистон (UzDaily.uz) — Ўзбекистон Миграция агентлиги фуқароларни хорижда ишга жойлаштириш хизматларини кўрсатиш учун «VIZA LAB XUSUSIY BANDLIK AGENTLIGI» МЧЖга берилган лицензия амал қилиши тўхтатилганини маълум қилди.
Идора маълумотига кўра, компанияга 2025 йил 29 июль куни берилган №926213-сонли лицензия агентликнинг ўзи томонидан 2026 йил 29 май куни тақдим этилган ариза асосида бекор қилинган.
Миграция агентлиги Ўзбекистон Республикасининг «Хусусий бандлик агентликлари тўғрисида»ги Қонунига мувофиқ, компания эндиликда фуқароларни мамлакат ташқарисида ишга жойлаштириш фаолиятини амалга ошириш ҳуқуқига эга эмаслигини эслатди.
«VIZA LAB XUSUSIY BANDLIK AGENTLIGI» МЧЖ фаолияти билан боғлиқ мурожаат, эътироз ёки шикоятлари мавжуд бўлган фуқароларга уларни жорий йилнинг 3 июлига қадар Миграция агентлигига юбориш тавсия этилди.
Қўшимча маълумот олиш учун идора махсус алоқа каналларини очган. Мурожаатлар 71 202 33 55 телефон рақами, шунингдек 171 ва 711 қисқа рақамлари орқали қабул қилинади.
СЎНГГИ ЯНГИЛИКЛАР