Тошкентдаги Саммитда ташкилотга Ҳиндистон ва Покистоннинг қўшилиши жараёни бошланади
Тошкент, Ўзбекистон (UzDaily.uz) --
Тошкентда бўлиб ўтадиган Шанхай ҳамкорлик ташкилоти (ШҲТ)нинг навбатдаги Саммитида ташкилотга Ҳиндистон ва Покистоннинг қўшилиши жараёни бошланади. Бу ҳақда Хитойдаги “Жэньминь жибао” онлайн нашри хабар бермоқда.
Эслатиб ўтамиз, ШҲТ Саммити 2016-йилнинг 23-24-июнь кунлари Ўзбекистон пойтахти Тошкент шаҳрида бўлиб ўтади. Саммит доирасида ШҲТга аъзо давлат раҳбарлари ташкилотга Ҳиндистон ва Покистоннинг қўшилиши жараёнини татбиқ эта бошлашади. Эслатиб ўтамиз, бу жараён 2015-йил Уфа (Россия)да ўтган Саммитда бошланган эди.
